काठमाडौं, ३ फागुन । आइजीपी बढुवा बिबाद नटुंगिदै नेपाल प्रहरी र सशस्त्र प्रहरीमा एआइजी बढुवामा पनि चलखेल सुरु भइसकेको छ ।
आइजीपी बढुवामा जस्तै सरकारले आर्थिक चलखेलको आधारमा एआइजी बढुवाको तयारी गरेपछि डिआइजीहरू दौडधुपमा लागेका छन् । दृष्टि साप्ताहिकले समाचार छापेको छ ।
नेपाल प्रहरीको नियमावलीमा अहिलेको एआइजीहरू अवकाश पाएपछि तीन जना मात्र एआइजी रहने प्रवधान राखेको छ ।
तर, दरबन्दी बढाएर एआइजी थप्न डिआइजीहरू लबिङमा लागेका छन् । तर, तीन वटा मात्र एआइजी हुँदा आइजीपी बढुवाको प्रतिस्पर्धामा रहेका सिनियर टोलीका मात्र अटाउने छन् ।
त्यसकारण देवेन्द्र सुवेदी, केशरी घिमिरे, बिजय भट्ट, माधव नेपाल, पशुपति उपाध्याय, कमलसिंह बमलगयतका डिआइजीहरू दरबन्दी थपेर एआइजी बन्ने दौडमा लागेका छन् ।
प्रतिक्रिया