बैतडी, १४ माघ । बैतडीमा जारी सहिद दशरथचन्द स्मृति यू १९ आमन्त्रण क्रिकेट प्रतियोगिता अन्तर्गत आज हुने भनिएका सेमिफाईनल खेलहरु बर्षाका कारण स्थगित भएका छन ।
आज बिहानै भएको बर्षाले मैदान तथा पिच भिजेका कारण सेमिफाईनल दुईवटै खेल स्थागित गरिएको अम्पाएर निरञ्जन बोहराले जानकारी दिनुभयो ।
मैदान सुकेपछी भोली सेमिफाईनल खेल गराईने उहाले बताउनुभयो ।
यसअघि आज बिहान निङ्गलाशैनी खेल मैदान, देहिमाण्डौंमा हुने खेलमा योङ्ग स्टार क्रिकेट क्लव, मेलौली र कालाशैनी क्रिकेट क्लव भिड्ने भएका थिए । भने बुढाबाजे खेल मैदान, रातामाटामा जगन्नाथ क्रिकेट क्लवसंग निङ्गलाशैनी क्रिकेट क्लव (एनसिसी) फाइनल प्रवेशका लागी प्रतिस्प्रर्धा गर्ने भएका थिए ।
सहिद दशरथचन्द स्मृती प्रतिष्ठानको आयोजनामा भईरहेको प्रगियोगितामा प्रथम पुरस्कार नगद ५० हजार, द्वितियलाई नगद २५ हजार र म्यान अफ द सिरिज एक जनालाई नगद पाँच हजार प्रदान गरिने प्रतिष्ठानका सचिव नरेन्द्र बहादुर चन्दले जानकारी दिनुभयो ।
सहिद दशरथचन्दको सम्झनामा माघ ८ गतेदेखि सञ्चालन भएको प्रतियोगितामा ८ टिमको सहभागिता रहेको थियो ।
प्रतिक्रिया