मोदीलाई कालोमोसो दल्नेलाई ४० लाख दिने घोषणा

काठमाडौं, २९ पुस। भारतको कोलकातास्थित टिपु सुल्तान मस्जिदका प्रमुख नूर–उर–रहमान बरकातीले आफ्नै देशका प्रधानमन्त्री मोदीलाई कालोमोसो दल्ने व्यक्तिलाई ४० लाख रुपैयाँ दिने घोषणा गरेका छन् ।

कडा अभिव्यक्ति दिने व्यक्तिको पहिचान बनाएका उनले प्रधानमन्त्रीको मोदीको कडा विरोध गर्दै यस्तो अभिव्यक्ति दिएका हुन् ।

लगातार फत्वा जारी गर्न तथा मिमियामा छाउन बरकाती प्रसिद्ध छन् । उनले अघिल्लो हप्ता भारतीय प्रधानमन्त्री नरेन्द्र मोदीको विमुद्रीकरण अभियानका विरुद्ध फत्वा जारी गरेका थिए ।

सोही विमुद्रीकरणका कारण धेरैजना समस्यामा परेको बताउँदै बरकातीले मोदीलाई कालोमोसो दल्ने व्यक्तिलाई ४० लाख रुपैयाँ दिने घोषणा गरे ।

उनको यो घोषणाप्रति धेरैले आपत्ति जनाएका छन् । बीजेपीले त प्रहरीमा उनका विरुद्ध मुद्दा नै दर्ता गरेको छ । तर यसका बाबजुद बरकाती आफ्नो फत्वामा अडिग छन् ।

‘मोदीले विमुद्रीकरण गरेपछि १२७ जना बैंक र एटीएमको लाइनमा बसेरै मरिसके,’ बरकातीले भने । यो फत्वा सुनेर धेरैले आफूलाई फोन गरेर बधाई दिएको उनले प्रतिक्रिया दिएका छन् ।