– कृष्ण ओझा
पाँचथर, १८ पुस । पाँचथरको फिदिममा जारी आठौँ फाल्गुनन्द गोल्डकप फुटवल प्रतियोगिता अन्तर्गत सोमवार भएको खेलमा एलेभेन एरोज क्लब सुनसरीले सानदार जीत हाँसिल गरेको छ ।
फिदिम माध्यमिक विद्यालय फिदिमको खेल मैदानमा जारी प्रतियोगितामा सुनसरीले हिमालयन शेर्पा क्लब काठमाण्डौँलाई ३–० गोल अन्तरले पराजित गर्यो ।
खेलको अधिकांश समय हिमालयनलाई दबावमा राख्न सफल सुनसरीका लागि नाइजेरियन खेलाडी सामसिङले पहिलो हाफको ३० औँ तथा दोश्रो हाफको २३ औँ मिनेटमा
गोल गरे । यस्तै दोश्रो हाफको ३८ औँ मिनेटमा अर्का नाइजेरियन खेलाडी पिटरले गोल गर्दै आफ्नो टिमको फराकिलो जीतलाई सुनिश्चित गरे ।
हिमालयन शेर्पाले भने खेलमा गोल गर्न पाएका केही मौका समेत गुमायो ।
पहिलो हाफमै पछि परेको हिमालयन शेर्पा दोश्रो हाफमा समेत फर्कन नसक्दा फराकिलो हार व्यहोर्न बाध्य बन्यो ।
सोमवारको खेलको म्यान अफ दि म्याच सुनसरीका नाइजेरियन खेलाडी पिटर घोषित भए ।
प्रतियोगिता अन्तर्गत मंगलबार आयोजक फिदिम स्पोर्टिङ क्लब पाँचथर र फ्यान्स क्लब विआसी भुटानवीच प्रतिस्पर्धा
हुने आयोजक फिदिम स्पोर्टिङ क्लबका अध्यक्ष किरण श्रेष्ठले वताए ।
यसपाली आयोजक स्पोर्टिङ क्लब पाँचथरले जिल्लाकै खेलाडीहरुलाइ समावेश गरी प्रथमीक्ता दिएको छ ।
भुटान वाई पाएर क्वाटर फाइनल पुगेको हो भने आयोजकले उद्घाटन खेलमा हिम कस्तुरी क्लब सिराहालाई पराजित गरेर क्वाटर फाइनलको यात्रा तय गरेको हो । १६औँ राष्ट्रिय विभूति महागुरु फाल्गुनन्दको स्मृतिमा सञ्चालित प्रतियोगिताको विजेताले २ लाख ५० हजार रुपैँया तथा उपविजेताले १ लाख ५० हजार रुपैँया पुरस्कार प्राप्त गर्नेछन् ।
फोटोः नविन मिश्रबाट ।
प्रतिक्रिया