काठमाडौं, २४ कात्तिक । प्रधानमन्त्री पुष्पकमल दाहालले मुलुकको पछिल्लो राजनीतिक अवस्था र सरकारको कामकारबाही लगायतका विषयमा छलफल गर्न हेडक्वाटरको बैठक बोलाउनु भएको छ ।
लाजिम्पाटस्थित निवासमा अपरान्ह दुई बजेपछि बस्ने बैठकमा पार्टीभित्रको अन्तरिक बिबादका विषयमा पनि छलफल हुनेछ । स्रोतका अनुसार पार्टी अध्यक्ष समेत रहनु भएका दाहालले सल्लाह नै नगरेर काम गर्ने गरेको आरोप छ ।
बैठकमा संविधान संशोधन, दलहरूसँगको छलफल, बिहीबारदेखि सुरु हुन लागेको संसद बैठक लगायतका विषयमा समेत छलफल हुने बुझिएको छ ।
स्रोतका अनुसार अयोग्य पूर्व लडाकुहरूले विभिन्न माग राखेर पार्टी मुख्यालय कब्जा गरेका विषयमा समेत छलफल हुने एक नेताले बताए ।











प्रतिक्रिया