काठमाडौं, ९ कात्तिक । नेकपा (एमाले) चितवनको अध्यक्षमा कृष्णभक्त पोखरेल निर्वाचत भएका छन् ।
वरिष्ठ नेता माधवकुमार नेपाल निकट मानिने पोखरेल ४ सय ३१ मत ल्याएर निर्वाचित भएका हुन् । उनका निकतम प्रतिद्वन्द्वी जगन्नाथ थपिलयाले २ सय ८९ मत मात्रै प्राप्त गरे ।
मंगलबार बिहान सम्पन्न मतगणना अनुसार उपाध्यक्षमा कृष्णप्रसाद भुर्तेल २ सय ९३ मतसहित विजयी भएका छन् । अर्का उपाध्यक्षमा तेजेन्द्रवहादुर खड्का ४ सय २४ मतसहित विजयी भएका छन् ।
सचिवमा नारायण वन ३ सय ४८ र पार्वती रावल ३ सय ७३ मतसहित विजयी भएका छन् ।
उप–सचिवमा रामप्रसाद न्यौपाने ३ सय २३ र सूर्य वदना हमाल ३ सय ८९ मतसहित विजयी भएको चितवनबाट पत्रकार राजेन्द्र आचार्यले जानकारी दिएका छन् ।











प्रतिक्रिया