इंग्लिस प्रिमियर लिगमा चेल्सीद्वारा म्यानचेष्टर पराजित

लन्डन, ८ कात्तिक । इंग्लिस प्रिमियर लिग फुटबलमा चेल्सीले म्यानचेस्टर युनाइटेडलाई पराजित गरेको छ । आइतबार राति भएको खेलमा चेल्सीले युनाइटेडलाई ४ – ० ले पाखा लगाएको हो ।

एन्टीनियो कोन्टेको चेल्सीले जोसे मोरिन्होको टोली युनाइटेडमाथि एकतर्फी जित निकालेको थियो ।

चेल्सीको जितमा पेड्रो, टिम काहिल, इडेन हाजार्ड र एन्गोलो कान्टेले समान एक–एक गोल गरे । जितसंगै चेल्सी १९ अंकसहित लिगको चौथो स्थानमा छ भने १४ अंक जोडेको युनाइटेड सातौ स्थानमा छ । – एजेन्सी