चीनबाट नेपालमा नयाँ राजदूत आउँदै

काठमाडौं, ११ असोज । चीनले नेपालका लागि नयाँ राजदूतमा यू होङलाई पठाउने तयारी गरेको छ ।

हालका राजदूत उ चुन्ताईको नोभेम्बर महिनामा कार्यकाल सकिनेभएपछि चीनले नयाँ राजदूतमा महिलालाई पठाउन लागेको हो ।

बेइजिङस्थित नेपाली दूतावास स्रोतका अनुसार एसिया मामिलामा दख्खल राख्ने ५१ वर्षीया चिनियाँ वरिष्ठ कूटनीतिज्ञ यू होङ हाल इन्डोनेसियाको सुराबयास्थित चिनियाँ महावाणिज्यदूत छिन् ।

चीनले प्रस्तावित नयाँ राजदूतबारे नेपाल सरकारलाई जानकारी गराइसकेको छ ।