प्रधानमन्त्री ओलीको समर्थनमा पाँचथर सदरमुकाम फिदिममा र्याली

पाँचथर, १ साउन । प्रधानमन्त्री केपी शर्मा ओलीको समर्थनमा स्वतन्त्र युवाले पाँचथर सदरमुकाम फिदिममा आज शान्तिपूर्ण र्याली निकालेका छन् ।

फिदिमको लिम्बूवान गेटबाट सुरु भएको र्यालीले फिदिमबजार परिक्रमा गरी सोही गेटमा पुगेर सभा गरेको थियो । र्यालीमा करिब एकसय युवाको सहभागिता थियो ।

सभालाई सम्बोधन गर्दै स्वतन्त्र युवाहरुका संयोजक गणेश काफ्लेले दलहरुलाई सरकार परिवर्तनको फोहोरी खेलमा भन्दा संविधान कार्यान्वयन गर्दै मुलकको समृद्धि र विकासतर्फ लाग्न आग्रह गर्नुभयो । रासस