करेन्ट लागेर भक्तपुरमा एक जनाको मृत्यु

भक्तपुर, १३ असार । भक्तपुरमा करेन्ट लागेर एक जनाको मृत्यु भएको छ ।

अनन्तलिङ्गेश्वर नगरपालिका–४ गुण्डुस्थित नवीन बस्नेतको घरमा विद्युत्को वाइरिङ गर्ने क्रममा करेन्ट लागेर सिन्धुपाल्चोक चौतारा–१ घर भई हाल भक्तपुर जिल्ला मध्यपुर ठिमी नगरपालिका कौशलटार बस्ने ४२ वर्षीय नेत्र गहतराजको आज मृत्यु भएको हो ।

करेन्ट लागेर सख्त घाइते भएका गहतराजको उपचारका क्रममा मध्यपुर अस्पतालमा मृत्यु भएको महानगरीय प्रहरी परिसर भक्तपुरका प्रवक्ता प्रहरी नायब उपरीक्षक शेखर खनालले जानकारी दिनुभयो । रासस