काठमाडौं, २५ जेठ । नयाँ शक्ति नेपालमा कम्युनिष्ट विचारधारा अवलम्बन गर्ने कि नगर्ने भन्नेमा विवाद भएको छ ।
एकीकृत नेकपा माओवादी र नेकपा एमाले परित्याग गरी नयाँ शक्तिमा गएका नेताहरु वामपन्थी विचारसहितको पार्टी गठन गर्नु पर्ने पक्षमा देखिएका छन् ।
पूर्वप्रशासक, सुरक्षा अधिकारी र कलाकार भने त्यसको विरोधमा छन् । कारोबार दैनिकले समाचार छापेका छन् ।
गणेशराज राई, रामेश्वर खनाल, नाथुप्रसाद चौधरी, डा प्रवीण मिश्र, मदन राई, सुरेन्द्र चौधरी, अशोक शर्मालगायतले वामपन्थी विचार अवलम्बन गरिए पारिषदमा नबस्ने चेतावनी दिएका छन् ।
पार्टी घोषणा नुहँदै किचलो सुरु भएपछि संयोजक बाबुराम भट्टराई अप्ठेरोमा परेका छन् ।
उक्त विवादले गर्दा यही जेठ ३० गते सार्वजनिक गर्ने भनिएको पार्टीको नाम र अन्तरिम विधानको पनि टुंगो लाग्न सकेको छैन ।
नयाँ शक्ति नेपालका केन्द्रीय सचिवालय सदस्य पूर्वएआईजी गणेशराज राईले कम्युनिष्ट दर्शन अस्वीकार गर्ने सम्बन्धमा छलफल भइरहेको उल्लेख गरे ।
एमाओवादी परित्याग गरी नयाँ शक्तिमा आएका नेता महेन्द्र पासवानले भने वामपन्थी विचारसहितकै पार्टी निर्माण हुने बताए ।
प्रतिक्रिया