आइतबार १० नेपालीसहित १७ आरोहीद्वारा सगरमाथाको सफल आरोहण

काठमाडौं, २ जेठ । आइतबार १० नेपाली र ७ विदेशी आरोहीले सगरमाथाको सफल आरोहण गरेका छन् ।

सगरमाथा आधार शिविरमा रहेको पर्यटन विभाग, पर्वतारोहण शाखाका प्रमुख ज्ञानेन्द्रकुमार श्रेष्ठका अनुसार गत वैशाख २९ गते बुधबारदेखि सुरु भएको पर्वतारोहणको आज पाँचौ दिनसम्म ६२ जना स्वदेशी तथा विदेशीले सगरमाथाको सफल आरोहण गरिसकेका छन् ।

हिजो शनिबार दुई नेपाली र एक क्यानाडेली नागरिक सगरमाथाको चुचुरामा पुगेका थिए । रासस