भद्रपुर, २० साउन । जिल्ला कारागार झापामा क्षमताभन्दा दोब्बर कैदी रहेकाले उनीहरुको जीवन कष्टकर बन्दै गएको छ ।
कारागारमा अहिले पुरुष ५८८ जना, महिला ५४ जना र आश्रित बालबालिका १२ जना गरी कुल ६५४ जना कैदी रहेको सहायक कारागार प्रमुख जीवराज भट्टराईले जानकारी दिनुभयो ।
२०२१ सालमा मा निर्मित यो कारागारमा २५० जना कैदी अट्ने क्षमता रहेको बताइएको छ ।
साना ठूला पाँच वटा हल रहेको कारागारमा चार वटा पुरुषका लागि र एउटा महिलाका लागि व्यवस्था गरिएको छ भने जाडोमा भन्दा पनि गर्मीमा उनीहरुलाई जीवनयापन गर्न निकै कठिनाइ हुने गरेको जेल प्रशासनले जनाएको छ ।
कैदीहरुमा चार जना क्षयरोगी, एक / एक जना हेपाटाइटिस बी र एचआइभी एड्सका रोगी रहेको बताइएको छ ।
पानीको खासै समस्या नभए पनि महिला वार्डमा धाराको पानी नभएकाले ४० फिट गहिराइको कलको व्यवस्था गरिएको सहायक प्रमुख भट्टराईले बताउनुभयो ।
प्रतिक्रिया