मस्को । अधिकांश समय जाडो हुने रसियामा नेपालका ख्याती प्राप्त गायिका कोमल ओली तथा लोक गायक बद्री पंगेनीले रुसको राजधानीमा आयोजित शुभकामना एवं सांस्कृतिक साँझ नामक कार्यक्रममा बेजोड प्रस्तुति गर्दै नेपाली समुदायलाई तताउनसम्म तताएका छन् ।
उनीहरुको उत्कृष्ट प्रस्तुतिमा दर्शकले मन थाम्न नसकी गीतमा साथ दिँदै मंचभरि नाच्न झुम्मिएका थिए । उनीहरुको गीतले मस्को घन्किएको थियो ।
झन्डै ५ सयभन्दा बढी दर्शकको उपस्थितिले कलाकारद्वय ओली र पंगेनी ज्यादै उत्प्रेरित भएका थिए । उनीहरुले आफ्नो प्रतिभा प्रस्फुटन गर्न कुनै कसर छोडेनन् ।
गीत गाउने क्रममा गायिका ओलीले भनिन्, रसियन भाषामा ‘याभास लुब्लु’ आई लव यु रसिया भनेपछि कर्तल ध्वनिले कार्यक्रम स्थल गुन्जायमान हुन् पुगेको थियो ।
गैर आवासीय नेपाली संघ रुस तथा अन्य संस्था मिलेर गरेको ग्रान्ड म्युजिकल नाइट नामक कार्यक्रम जन मैत्री विश्व बिद्यालय इन्टर क्लब मस्कोमा भएको थियो ।
ओली तथा पंगेनीले दर्शकहरुलाई भरपुर मनोरन्जन प्रदान गर्न सफल भएका छन् ।
प्रतिक्रिया