शंकरदेवमा अर्काे लफडा, आफ्नै कार्यकर्ताबाट कुटिए स्ववियु सभापति बस्नेत

– विमल योगी
काठमाडौं, १० चैत । राजधानीको शंकरदेव क्याम्पसमा अर्काे लफडा भएको छ ।

बुधबार त्यहाँ अध्ययनरत विद्यार्थीहरुले स्ववियु सभापति शुभराम बस्नेतमाथि कुटपीट गरेका छन् ।

कांग्रेस निकट नेपाल विद्यार्थी संघका कार्यकर्ताले नै बस्नेतमाथि आक्रमण गरेका हुन् । बस्नेत नेविसंघबाटै शंकरदेवमा स्ववियु सभापति बनेका थिए ।

आक्रमणबाट बस्नेत गम्भीर घाइते भएको नेविसंघ शंकरदेवका अध्यक्ष हरिश भण्डारीले जानकारी दिए ।

घटनाको विस्तृत विवरण आउन बाँकी छ ।