कक्षा ११ को ‘रिजल्ट’ प्रकाशित हुँदै

काठमाडौं, २७ पुस । कक्षा ११ को परीक्षाको रिजल्ट आजै साँझ प्रकाशित गर्ने तयारी गरिएको छ ।

उच्च माध्यमिक शिक्षा परिषदको सोमबार बिहान बसेको बोर्ड बैठकले आजै बेलुकासम्ममा नतिजा प्रकाशित गर्ने निर्णय गरेको परिषदका सदस्यसचिव नारायण कोइरालाले जानकारी दिनुभयो ।

सबै तयारी पुरा भइसकेकाले कुनै प्राविधिक समस्या नआए आजै बेलुकासम्ममा नतिजा सार्वजनिक गर्ने उहाँको भनाई छ । केही प्राविधिक कठिनाई भएमा भोलि बिहानसम्ममा नतिजा आउनेछ ।

भारतीय नाकाबन्दी र इन्धन अभाव कारण यसवर्ष रिजल्ट प्रकाशनमा ढिलो भएको हो । गत असारमा लिइएको कक्षा ११ को परीक्षामा करिब ५ लाख विद्यार्थीहरु सहभागी भएका थिए ।