ललितपुरमा रहेको भारतीय कम्पनी जिएमआरमा बम प्रहार

काठमाडौं, २१ पुस । राजधानीको ललितपुरमा रहेको भारतीय कम्पनी जिएमआरमा अज्ञात समूहले पेट्रोल बम प्रहार गरेको छ ।

ललितपुर चाकुपाटीस्थित कार्यालयमा अज्ञात समूहले पेट्रोल बम प्रहार गर्दा कार्यालयका झ्यालका सीसा फुटेको महानगरीय प्रहरी परिसर ललितपुरले जनाएको छ ।

भारतीय कम्पनी जिएमआरले नेपालमा माथिल्लो कर्णाली ९ सय मेगावाट र मथिल्लो मर्स्याङदी २, ६ सय मेगावाटको निर्माण गरिरहेको छ । कार्यालयको पर्खाल बाहिरबाट अज्ञात समूहले पेट्रोल बम फालेका थिए ।

यसअघि विप्लव माओवादी सुर्खेतमा रहेको जिएमआरको शाखा कार्यालयमा आक्रमण गरेको थियो ।