मधेस समस्या समाधान गर्न योगेश भट्टराईको यस्तो सुझाव

काठमाडौं, १२ मंसिर । नेकपा (एमाले)का सचिव योगेश भट्टराईले मधेस आन्दोलन भारतको इशारामा भइरहेको बताउनुभएको छ ।

शनिबार नेपाल उद्योग वाणिज्य महासंघले आयोजना गरेको ‘वर्तमान सवैधानिक सवाल : चुनौती र समाधान’ विषयका बहसमा भाग लिएर सुझाव दिँदै उहाँले मुलुकभित्र र बाहिरका केही शक्तिले आन्दोलनलाई धु्रवीकृत गर्न खोजेपनि त्यसतर्फ होइन, मेलमिलापतिर केन्द्रित हुन आवश्यक छ भन्नुभयो ।

सचिव भट्टराईले भन्नुभयो– ‘वार्ता र संवादबाटै समाधान खोज्नुपर्छ । त्यसमा तौरतरिका मिलेका छैनन् भने सच्याएर जान सकिन्छ, मनाङ र मुस्ताङमा प्रतिनिधित्व हुनुहुँदैन भन्ने आन्दोलनरत दलले पक्कै पनि भनेका होइनन् होला ।’