काठमाडौं, १० मंसिर । भारतको नाकाबन्दी र मधेसी मोर्चाको आन्दोलनका कारण मुलुकमा आपूर्ति व्यवस्थामा समस्या परिरहेका बेला मन्त्रिपरिषदको बैठक बस्दैछ ।
अहिले केही समयपछि सिंहदरबारमा बस्ने मन्त्रिपरिषद बैठकमा मुलुकमा असहज बन्दै गएको आपूर्ति व्यवस्थाका विषयमा छलफल हुनेछ ।
स्रोतका अनुसार भारतीय नाकाबन्दीको सामना गर्न आवश्यक पर्ने रणनीतिका विषयमा पनि छलफल हुनेछ ।
भारतले नाकाबन्दी लगाएपछि औषधि, तेल, ग्यासका साथै अत्यावसेक सामाग्रीको चरम अभाव हुँदै गएको छ ।
सरकारले नाकाबन्दीबाट भाएको अभावको बैकल्पीक मार्गबाट आपूर्ति गर्ने विषयमा पनि छलफल गर्ने बुझिएको छ ।
त्यसै गरी बैठकमा संसदमा कांग्रेस सरकारका पालामा दर्ता भएको संविधान संशोधन सम्बन्धी विधेयकहरूका विषयमा पनि छलफल हुनेछ ।
प्रतिक्रिया