पेरिसपछि अब अमेरिकामा आतंकवादी हमला गर्ने आइएसको धम्की

काठमाडौं, १ मंसिर । इश्लामिक स्टेट आइएसले पेरिस हमलापछि अब अमेरिकामा आतंकवादी हमला गर्ने धम्की दिएको छ ।

गत शुक्रबार फ्रान्सको राजधानी पेरिसमा १ सय २९ जनाको ज्यान लिने गरी हमला गरेको मुस्लिम अतिवादी संगठन आईएसले अमेरिकाको वाशिंटन डिसीमा यस्तै हमला गर्ने धम्की दिएको हो ।

सोमबार आइएसले एक भिडियो नै सार्वजनिक गरेको छ । विश्व समाचार एजेन्सी रोयटर्सका अनुसार सोमबार सार्वजनिक भएको भिडियोमा आइएसले अमेरिकाको वासिङटन डिसीमा आक्रमण गर्ने धम्की दिएको छ ।

यसअघि आइएसले भारतमा पनि हमला गर्ने धम्की दिएको थियो । शुक्रबार पेरिसका विभिन्न स्थानमा भएको हमलामा १ सय २९ जनाको मृत्यु भएको थियो । घटनाको जिम्मा आइएसले नै लिएको थियो ।