काठमाडौं, १६ कात्तिक । नेपाल–भारत दशगजा क्षेत्रमा टेन्ट टाँगेर नाकाबन्दीमा बसेका संयुक्त लोकतान्त्रिक मधेसी मोर्चाका कार्यकर्तालाई नेपाल प्रहरीले बल प्रयोग गरी हटाएको छ ।
आज बिहान करिव पाँच बजे ठूलो संख्यामा पुगेको प्रहरीले हस्तक्षेप गरी दशगजा क्षेत्रमा धर्नामा बसेका आन्दोलनकारीलाई हटाएको हो ।
धर्नामा बसेका आन्दोलनकारीले प्रहरीको प्रतिकार गर्न खोजेका थिए । तर प्रहरीले उनीहरूको प्रतिकारको वेवास्ता गर्दै टेन्ट हटाइ दिएर धर्नाकारीलाई भगाएको पर्सा प्रहरीले जनाएको छ ।
मधेसी मोर्चाले आफूहरूको शान्तिपूर्ण धर्नामा प्रहरीले हस्तक्षेप गरी आन्दोलनकारीलाई दशगजा क्षेत्रबाट हटाएको भन्दै विरोध गरेको छ ।
भारतीय एसएसबीले नेपालतर्फ रहेका भारतीय नम्वर प्लेटका झण्डै एक सय बढी सवारी साधनलाई भारत लगेको छ ।
नेपाली सुरक्षाकर्मीसँगको सहकार्यमा भारतले आफ्ना सवारी साधनलाई लगेको हो ।
लामो समयदेखि दशगजा क्षेत्रमा धर्ना बसेका मधेसी मोर्चाका कार्यकर्तालाई देखाएर भारतले नेपालमा अघोषित नाकाबन्दी लगाएको थियो ।
नाकाबन्दीका कारण नेपाली जनताले लामो समयदेखि सास्ती बेहोर्नु परेको छ ।
प्रतिक्रिया