भोटेकोशीमा बहाब बढे पनि ठूलो बाढीको जोखिम छैन : बाढी पूर्वानुमान महाशाखा

काठमाडौं । भोटेकोशी नदीमा बाढीको बहाव बढेको भए पनि हाल रसुवा, नुवाकोट र धादिङका तटीय क्षेत्रहरूमा ठूलो बाढीको जोखिम नरहेको बाढी पूर्वानुमान महाशाखाले जनाएको छ।

महाशाखाले जिल्ला प्रशासन कार्यालय रसुवालाई उद्धृत गर्दै हाल नुवाकोटमा बाढी केही बढेको जनाएको हो ।

‘जिल्ला प्रहरी कार्यालय रसुवाका अनुसार भोटेकोशी नदीमा बाढीको बहाव बढेको प्राप्त सूचना अनुसार हाल नुवाकोटमा बाढी केही बढेको तर ठूलो नरहेको हुँदा यसै सूचनालाई आधारमानी हाललाई रसुवा, नुवाकोट, धादिङसम्म नदी आसपासको क्षेत्रमा ठूलो बाढीको जोखिम नरहेको जानकारी गराउँदछौँ ।’ महाशाखाले भनेको छ ।