सुनचाँदीको मूल्यमा सामान्य वृद्धि

काठमाडौं । नेपाली बजारमा आज सुनचाँदीको मूल्यमा सामान्य वृद्धि भएको छ ।

आज सुन प्रतितोला १०० रुपैयाँले बढेर प्रतितोला तीन लाख दुई हजार ८०० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । हिजो बुधबार छापावाल सुनको मोल प्रतितोला तीन लाख दुई हजार ७०० रुपैयाँ थियो ।

यसैगरी, आज चाँदी ३० रुपैयाँले बढेर ५ हजार २५० रुपैयाँमा कारोबार भइरहेको महासंघले जनाएको छ । हिजो चाँदी प्रतितोला ५ हजार २२० मा कारोबार भएको थियो ।