काठमाडौं । नेकपा (माओवादी केन्द्र) का काठमाडौँ महानगर कमिटीका तत्कालीन अध्यक्ष राजेश लामा नेकपा (एमाले) मा प्रवेश गरेका छन् ।
आज नेकपा (एमाले) का अध्यक्ष केपी शर्मा ओलीको गुण्डुस्थित निवासमा अध्यक्ष ओलीले खादा ओढाएर पार्टी प्रवेश गराएका हुन् ।
कमिटीका अध्यक्ष राजेश लामासँगै जिल्ला कमिटीका सदस्य विष्णु जोशीले पनि पार्टी प्रवेश गरेका छन् ।
पार्टी प्रवेशपछि लामाले आफू एमालेमा आउन अझै ढिला भएको बताए । नेपाल र जनताको निकास एमालेले मात्रै दिन सक्ने उनको भनाइ छ ।
अबको चुनावपछि केपी शर्मा ओलीको नेतृत्वमा देश बन्ने विश्वास उनले व्यक्त गरे ।
प्रतिक्रिया