त्रिशुली नदीमा डुबेर सुपर त्रिशूली हाइड्रोपावरका दुईजना कामदार बेपत्ता

काठमाडौं । त्रिशुली नदीमा डुबेर दुईजना बेपत्ता भएका छन् ।

नुहाउने क्रममा त्रिशूली हाइड्रोपावरका कामदार बर्दियाको गेरुवा गाउँपालिका–२ बनसरा बस्ने २१ वर्षका शंकर चौधरी र राजापुर नगरपालिका घर भएका २२ वर्षीय सौरभ थारु बेपत्ता भएका हुन् ।

उनीहरू शनिबार दिउँसो चितवनको इच्छाकामना–४ स्थित कुरिनघाटको झोलुङ्गे पुल नजिकै त्रिशूली नदीमा नुहाउने क्रममा बेपत्ता भएका हुन्।

गोताखोर सहितको टोलीले उनीहरूको खोजी गरिरहेको छ ।