माओवादी केन्द्रको पदाधिकारी बैठक बस्दै

काठमाडौं, ३ भदौ । नेकपा (माओवादी केन्द्र)को पदाधिकारी बैठक आज बस्ने भएको छ ।

आज बिहान ११ बजे पार्टी कार्यालय पेरिसडाँडा कोटेश्वरमा बस्नेगरी अध्यक्ष पुष्पकमल दाहाल ‘प्रचण्ड’ले बैठक बोलाएका हुन् ।

बैठकमा समसामयिक राजनीतिक घटनाक्रम, स्थायी समिति बैठकका निर्णयको कार्यान्वयन, कार्य सम्पादन सम्बन्धी, मेला सम्मेलन र आन्तरिक विषयमा छलफल हुने उपाध्यक्ष एवं पार्टी प्रवक्ता अग्निप्रसाद सापकोटाले जानकारी दिए ।

उनले भने, ‘आजको बैठकमा राजनीतिक घटनाक्रम, स्थायी समिति बैठकका निर्णयको कार्यान्वयन, कार्य सम्पादन सम्बन्धी, मेला सम्मेलन र आन्तरिक विषयमा छलफल हुने तय भएको छ ।’

यस्तै, उनले बैठकमा स्थगित भएको मध्यपहाडी लोकमार्ग केन्द्रित जागरण अभियानको तयारीबारे र विप्लव नेतृत्वको नेकपासँग गर्ने भनिएको पार्टी एकताबारे पनि सामान्य रुपमा छलफल गर्ने बताए ।