सर्वोच्च अदालतको न्यायाधीसमा निरौला र पाण्डेको नाम अनुमोदन

काठमाडौं, २३ कार्तिक । सर्वोच्च अदालतको न्यायाधीसमा नृपध्वज निरौला र नित्यानन्द पाण्डेको नाम अनुमोदन भएको छ ।

आज बसेको संसदीय सुनुवाई समितिको बैठकबाट उनीहरूको नाम सर्वसम्मत रूपमा अनुमोदन भएको हो । सुनुवाईका क्रममा प्रस्तावित न्यायाधीसहरूले सांसदहरूले सोधेका विभिन्न प्रश्नका उत्तर दिएका थिए ।

गत असोज ११ गते न्याय परिषद् बैठकले उच्च अदालत पाटनका मुख्य न्यायाधीश निरौला र तुलसीपुरका मुख्य न्यायाधीश पाण्डेलाई सर्वोच्च अदालतको न्यायाधीशमा सिफारिस गरेको थियो।

न्यायाधीश निरौलाविरुद्ध दुई वटा उजुरी परेका थिए भने पाण्डेविरुद्ध कुनै उजुरी परेको थिएन।