गौशाला धर्मशालामा काठमाडौँ महानगरपालिकाको बोर्ड

काठमाडौं, २३ असोज । काठमाडौं महानगरपालिकाले गौशाला धर्मशालामा महानगरपालिकाको बोर्ड राखेको छ ।

धर्मशाला छोड्न नमानेको मारवाडी सेवा समितिको विरोधका बावजुद महानरपालिकाले आफ्नो बोर्ड राखेको हो । त्यस क्रममा महानगर प्रहरी र मरबाही सेवा समितिका सदस्यहरूबीच धकेलाधकेलसमेत भएको थियो ।

यसअघि पशुपति क्षेत्र विकास कोष र काठमाडौँ महानगरपालिकाबीच धर्मशाला खाली गराउन सातबुँदे सहमति भएको थियो । तर पनि मारवाडी सेवा समितिले फेरि धर्मशाला छोड्न आलटाल गरिरहेको हो ।