मर्स्याङ्दीमा बस दुर्घटना : २७ जनाको मृत्यु, १६ जनालाई काठमाडौं ल्याइयो (अपडेट)

तनहुँ, ७ भदौ । तनहुँको आँबुखैरेनी गाउँपालिका वडा नम्बर-२ ऐनापहाराबाट मर्स्याङ्दी नदीमा भारतीय पर्यटक सवार बस खस्दा मृत्यु हुनेको संख्या २७ पुगेको छ ।

पोखराबाट काठमाडौं आउँदै गरेको यूपी ५३ एफटी ७६२३ नम्बरको बस बिहान नदीमा खसेको हो । बसमा सवार ४३ जनामध्ये २७ जनाको मृत्यु भएको हो भने १६ जनाको उद्वार गरिएको छ ।

उद्वार गरिएका १६ जना घाइतेलाई सेनाको हेलिकप्टरबाट उपचारका लागि काठमाडौं ल्याइएको छ ।