काठमाडौं, १६ वैशाख । राति फोनमा ठूलो स्वरमा बोलेको भन्दै आफ्नै फुपुकी छोरीको हत्या गरी फरार रहेका म्याग्दीको तत्कालीन कुहु गाविस–५ का समरबहादुर सार्कीलाई प्रहरीले नौ वर्षपछि पक्राउ गरेको छ ।
काठमाडौंको कीर्तिपुरस्थित कृषि कार्यालयमा जेटिए २३ वर्षीया सुनमाया किसान (सार्की)को हत्या गरी फरार समरलाई पक्राउ गरी उपत्यका अपराध अनुसन्धान कार्यालयले आइतबार सार्वजनिक गरेको हो ।
सुनमाया मामासँग काठमाडौंको तत्कालीन सेतीदेवी गाविस–३ तौथलीस्थित कुष्ठरोग आरोग्य आश्रममा बस्दै आएकी थिइन । १ कात्तिक २०७० कात्तिक १ मा उनी आश्रमकै शौचालयभित्र मृत भेटिएकी थिइन् ।
उपत्यका अपराध अनुसन्धान कार्यालयका अनुसार घटना अनुसन्धान गर्दा काठमाडौंमा ज्यामी काम गर्ने समरबहादुर बाबुलाई भेट्न आश्रम जाने गरेको खुल्यो । २०७१ असोज ३१ गते बेलुका बाबु बाहिर गएका कारण कोठामा समर र सुनमाया मात्र थिए ।
दुवै जनाले बेलुकाको खाना खाएपश्चात सुतिसकेपछि सुनमायाले मोबाइलमा कुराकानी गर्दा समरले ‘ठूलो स्वरमा कुरा नगर, म थाकेर आएको छु सुत्नदेउ’ भन्दै मोबाइल फाल्दा विवाद बढेको बताइएको छ ।
विवाद बढ्दै जाँदा सुनमायाले समरलाई हँसियाले प्रहार गरेकी थिइन । घटनामा समरको बुढी औँलामा चोट लागेको थियो । हँसिया खोस्दा हातमा टोकेपछि समरले सुनमायाको टाउकोमा हिर्काए । सुनमाया बेहोस भइन् । लामो समयसम्म पनि होसमा नआएपछि घाँटी थिची मारेर शव नजिकैको शौचालयमा पुर्याएर समर भागेको खुलेको उपत्यका अपराध अनुसन्धान कार्यालयकी डीएसपी सुरक्षा केसीले बताउनुभयो ।
सुनमायाको हत्यापश्चात समर भारततर्फ भागेका थिए । केही दिनअघि तौथलीमा बाबुलाई भेट्न आउँदा उनलाई प्रहरीले पक्राउ गरेको हो । उनीमाथि कारबाहीका लागि थप अनुसन्धान भइरहेको प्रहरीले जनाएको छ ।
प्रभु बैंकका ग्राहकलाई चिरायु हस्पिटलमा विशेष छुट
सरकार छोड्न उपेन्द्र यादवलाई प्रधानमन्त्रीको निर्देशन
सौगात र बेनिशाको ‘सिटामोल’ जापानमा बिक्यो
यस्तो छ ‘घरज्वाइँ’को टिजर
मधेशमा एमालेको नेतृत्वमा सरकार बनाउने सहमति
कलाकार उज्वल केसीको निधन
आजको मौसम : कहाँ कहाँ भइरहेको छ वर्षा ?
जसपा नेपालले सभामुखलाई दियो सरकारलाई दिएको समर्थन फिर्ताको जानकारी
रवि र देउवालाई सभामुखले भने- राष्ट्रपति र कूटनीतिज्ञहरूलाई आमन्त्रण भइसक्यो सहमति जुटाउनु
दोहोरो अंकले बढ्यो नेप्से, कारोबार रकम पनि वृद्धि
उपेन्द्र यादवले दायर गरे निर्वाचन आयोगविरूद्व रिट
कोशी प्रदेशका मुख्यमन्त्री कार्कीले पाए विश्वासको मत
नयाँ दल जसपाबाट तीनजना मन्त्री बन्दै
मुक्तिनाथ विकास बैंकद्वारा विद्यार्थीहरुलाई स्टेशनरी सामान वितरण
