अन्तरिक्ष यात्रामा जाँदै सुनिता विलियम्स

दैनिक नेपाल २०८१ वैशाख १३ गते ५:३९

काठमाडौं, १३ वैशाख । भारतीय मूलकी अमेरिकी अन्तरिक्ष यात्री सुनिता विलियम्स तेस्रो अन्तरिक्ष यात्रामा जानुहुने भएको छ । उहाँ आगामी मे ६ मा बोइङको स्टारलाइनर क्यालिप्सो मिसनको हिस्सा हुनुहुनेछ । अमेरिकी अन्तरिक्ष एजेन्सी नासाका अनुसार यस मिसनका लागि २ वरिष्ठ वैज्ञानिक बुच विल्मोर र सुनिता विलियम्सलाई छनोट गरिएको छ ।

हाल, सुनिता बोइङको स्टारलाइनर अन्तरिक्ष यानमा चालक दलको उडान परीक्षण मिसन पाइलटको रूपमा प्रशिक्षण लिइरहनुभएको छ । बोइङको स्टारलाइनर अन्तरिक्ष यान मे ६ मा राति १०:३४ बजे एलायन्स एटलस वी रकेटमा प्रक्षेपण हुने नासाले जनाएको छ ।

अन्तरिक्ष एजेन्सीका अनुसार यो अन्तरिक्ष यान फ्लोरिडाको केप क्यानाभेरल स्पेस फोर्स स्टेशनको स्पेस लन्च कम्प्लेक्स-४१ बाट प्रक्षेपण गरिने छ ।

दुबै यात्रुहरू दुई हप्तासम्म अन्तर्राष्ट्रिय अन्तरिक्ष स्टेशन (आईएसएस)मा बस्नुहुनेछ । यसका लागि तयारी पूरा भएको छ । यसअघि यो अन्तरिक्ष यान जुलाई २०२२ मा प्रस्थान गर्ने कार्यक्रम थियो, तर कोरोना महामारीका कारण यो एक वर्षको लागि स्थगित गरिएको थियो ।

स्पेस शटल र बोइङ स्टारलाइनर धेरै फरक छन् । अन्तरिक्ष यान लामो समयसम्म कक्षमा रहन सक्छ, जबकि बोइङ स्टारलाइनरको कक्षामा कम मात्र रहन सक्छ ।

त्यस्तै, अन्तरिक्षयानले धेरै सामान बोक्दैन तर बोइङ स्टारलाइनरले उपकरणलाई अन्तरिक्षमा लैजान सक्छ, सामान अर्को ग्रहमा लैजान सक्छ । बोइङ स्टारलाइनरको यो मिसन सफल भएमा यसले अन्तरिक्ष पर्यटनका लागि नयाँ ढोका खोल्नेसमेत बताइएको छ ।

सुनिता विलियम्स जुन १९९८ मा अमेरिकी अन्तरिक्ष एजेन्सी नासामा छनोट हुनुभएको थियो । डिसेम्बर ९, २००६ मा सुनिता विलियम्स पहिलो पटक अन्तरिक्षमा जनुभएको थियो । अन्तर्राष्ट्रिय अन्तरिक्ष स्टेशनमा पठाइएको १४औं शटल डिस्कभरीको साथ उहाँलाई प्रक्षेपण गरिएको थियो । यसपछि उहाँको दोस्रो अन्तरिक्ष यात्रा २०१२ मा भएको थियो ।