रामदेवको भ्रामक विज्ञापन प्रकरण- सर्वोच्चले दियो ३० अप्रिलमा उपस्थित हुन आदेश

दैनिक नेपाल २०८१ वैशाख १२ गते ७:२४

नयाँदिल्ली, १२ वैशाख । पतञ्जलीको भ्रामक विज्ञापनको मुद्दामा सर्वोच्च अदालतले योग गुरु रामदेवको आलोचना गरेको छ ।

पतञ्जलीका तर्फबाट ६७ भारतीय पत्रिकामा विज्ञापन छापेर माफी मागेको अदालतले जनाएको छ । जसको लागत १० लाख रुपैयाँ थियो । त्यसमा अदालतले उहाँलाई सोध्यो कि यो माफी पत्र तपाईंको अघिल्लो विज्ञापनको साइजको छ कि छैन ? तपाईंले सधै एउटै साइजको विज्ञापन छाप्नु हुन्छ कि भनेर पनि अदालतले सोधेको जनाइएको छ ।

भारतीय सञ्चारमाध्यमका अनुसार अब यस मुद्दाको सुनुवाइ ३० अप्रिलमा फेरि हुने भएको छ । यस सुनुवाइमा रामदेव र आचार्य बालकृष्णलाई अदालतमा उपस्थित हुन भनिएको छ ।

मिडिया रिपोर्टका अनुसार रामदेवका वकिलले जवाफ दिए कि माफीको आकार विज्ञापन जत्तिकै ठूलो थिएन किनभने यसको मूल्य लाखौंमा धेरै थियो। न्यायमूर्ति हिमा कोहली र न्यायमूर्ति अहसानुद्दीन अमानुल्लाहको बेन्चले रामदेव र बालकृष्णलाई धेरै प्रश्नहरू सोधेका छन् ।

सुनुवाइका क्रममा न्यायाधीश हिमा कोहलीले भन्नुभयो, ‘हामीले एउटा निवेदन प्राप्त गरेका छौँ । यसले पतञ्जली विरुद्ध यस्तो याचिका दायर गरेकोमा आइएमए लाई १००० करोड रुपैयाँ जरिवानाको माग गर्दछ । यो तपाईंको तर्फबाट प्रोक्सी याचिका हो जस्तो देखिन्छ ।’

जवाफमा रामदेवका वकिल मुकुल रोहतगीले भन्नुभयो कि उहाँको यो याचिकासँग कुनै सम्बन्ध छैन् । सर्वोच्च अदालतले यो याचिका दायर गर्ने व्यक्तिलाई सुनुवाइ गर्न दिने र त्यसपछि उहाँलाई जरिवाना लगाइने बताएको छ ।

न्यायमूर्ति कोहलीले माफी मागेको विज्ञापनको काटिङ्ग आफूलाई पठाउनु पर्ने र त्यसलाई ठूलो बनाउन आवश्यक नरहेको पनि बताउनुभएको छ । उहाँहरुले भन्नुभयो, ‘हामीले यसको वास्तविक आकार हेर्नु पर्छ । यो हाम्रो निर्देशन हो । जब तपाईं विज्ञापन छाप्नुहुन्छ, यसको मतलब यो होइन कि हामी यसलाई माइक्रोस्कोपबाट हेर्छौँ । विज्ञापन यस्तो रूपमा छाप्नु पर्छ कि यो पनि पढ्नु पर्छ ।’

सर्वोच्च अदालतले रामदेव र बालकृष्णलाई आगामी २ दिनभित्र अन रिकर्ड माफी माग्न पनि भनेको छ । यो माफीमा उहाँले गल्ती गरेको लेख्नुपर्नेछ ।