एलन मस्कसँग किन रिसाए अष्ट्रेलियाका प्रधानमन्त्री ?

काठमाडौं, ११ वैशाख । अष्ट्रेलियाका प्रधानमन्त्री एन्थोनी अल्बानीजले अर्बपति व्यापारी एलन मस्कलाई ‘अहंकारी’ भन्नुभएको छ । अष्ट्रेलियाको सिड्नीमा पादरीसँग भएको छुरा प्रहारको भिडियो एक्सबाट नहटाएपछि अल्बानीज मस्कसँग रिसाएको बताइएको छ ।

केहीदिनअघि अष्ट्रेलियाको सिड्नीको एउटा चर्चमा छुरा प्रहारको घटना भएको थियो । एक १६ वर्षीय केटाले एक चर्चका पादरीलाई इस्लामको आलोचना गरेको आरोपमा छुरा प्रहार गरेका थिए । यो घटनाको भिडियो सामाजिक सञ्जालमा भाइरल भएको छ ।

अष्ट्रेलियाका दूरसञ्चार नियामकहरूले पछि एक्सलाई यस भिडियोसँग सम्बन्धित केही पोस्ट र टिप्पणीहरू हटाउन आग्रह गरेका थिए । तर, एक्सले यस विषयमा कारबाही नगरेपछि अष्ट्रेलियाको अदालतले सोसल मिडिया प्लेटफर्मलाई टेलिकम नियामकको आदेश पालना गर्न भनेको छ । पछि, एक्सले यो भिडियोलाई आफ्नो प्लेटफर्मबाट पूर्ण रूपमा हटाउनुको सट्टा अष्ट्रेलियामा रहेका प्रयोगकर्ताहरूका लागि मात्र हटाएको थियो । एक्सको तर्क थियो ‘अष्ट्रेलियाली सरकारले संसारभर देखाइएका सामग्रीमा मनमानी गर्न सक्दैन ।’

एक्सको जवाफपछि अष्ट्रेलियाका प्रधानमन्त्रीले एलन मस्कलाई निशाना बनाउनुभएको हो ।

टर्कीले इजरायलसँगको व्यापार बन्द गर्ने



गार्डहरूले यौन दुर्व्यवहार गरी किशोरीको हत्या गरेको रिपोर्टलाई इरानद्वारा अस्वीकार



युक्रेनद्वारा एआई–जनित विदेश मन्त्रालयको प्रवक्ता सार्वजनिक



दक्षिणी चीनमा राजमार्ग भासिँदा २४ जनाको मृत्यु

सिफारिस


सुकुम्बासीको पक्षमा अध्यक्ष ओली, डोजर आतंक बन्द गर्न आग्रह



सुहाङको ‘लक्की सेभेन’ मत



चुनावअघि भिजेको बिरालो जस्ता प्रचण्ड पछि बाघ जस्तो गर्जन थाल्नुभयो : बाबुराम भट्टराई



उपनिर्वाचनले एमालेको लोकप्रियता प्रमाणित गरेको छ : प्रदीप ज्ञवाली