रहेनन् टाउको जोडिएका सबैभन्दा जेठा जुम्ल्याहा

दैनिक नेपाल २०८१ वैशाख ४ गते ६:२४

काठमाडौं, ४ वैशाख । अमेरिकामा बस्दै आएका विश्वकै जेठो जुम्ल्याहा लोरी र जर्जको ६२ वर्षको उमेरमा निधन भएको छ ।

अमेरिकी राज्य पेन्सिल्भेनियाको लाइबेनस्पर्गर फ्युनरल होमका अनुसार उहाँहरु दुवैले अप्रिल ७ को राति पेन्सिलभेनिया विश्वविद्यालयको अस्पतालमा अन्तिम सास लिनुभएको थियो । यद्यपि उहाँको मृत्युको कारण भने खुल्न सकेको छैन् ।

गिनिज बुक अफ वल्र्ड रेकर्डले पनि लोरी र जर्जको मृत्युको पुष्टि सामाजिक सञ्जालमा पोष्टमार्फत गरेको छ ।

जर्ज र लोरीको जन्म सेप्टेम्बर १८, १९६१ मा भएको थियो । दुवैको टाउको र रक्तकोष आंशिक रूपमा जोडिएको थियो । दुवैले मस्तिष्कको ३० प्रतिशत हिस्सा बाँडेका थिए । यद्यपि, यी सबै चीजहरूको बावजुद, लोरी र जर्जको फरक लिङ्ग र क्यारियरहरू थिए ।

२००७ मा आफ्नो ५०औं जन्मदिनमा एक साक्षात्कारमा लोरीले भन्नुभएको थियो, ‘हाम्रो जन्मको समयमा, डाक्टरहरुलाई डर थियो कि हामी ३० वर्ष सम्म मात्र बाँच्नेछौँ । तर हामीले तिनीहरूलाई गलत सावित गर्‍यौं ।’

जर्जलाई स्पाइना बिफिडा नामक रोग थियो र उहाँ लोरीभन्दा ४ इन्च छोटो हुनुहुन्थो । दुवैले सार्वजनिक हाई स्कूलमा पढ्नुभयो र कलेजसँगै पूरा गर्नुभयो ।

समाचार एजेन्सी एपीका अनुसार २४ वर्षको उमेरदेखि जर्ज र लोरी पेन्सिलभेनियामा दुई बेडरूमको अपार्टमेन्टमा बस्नुहुन्थो । यहाँ दुवैले आ–आफ्नो हिसाबले जीवन बिताउनुभयो ।