कर्णालीका मुख्यमन्त्री शर्माद्वारा राजीनामा

सुर्खेत, २१ चैत । कर्णाली प्रदेशका मुख्यमन्त्री राजकुमार शर्माले राजीनामा दिनुभएको छ ।

बुधबार प्रदेशसभालाई सम्बोधन गर्दै मुख्यमन्त्री शर्माले राजीनामा दिएका हुन् । राजीनामा घोषणा गर्नुअघि उनले संसदमा आफू नेतृत्वको सरकारले गरेको कामकारबाहीको फेहरिस्त प्रस्तुत गर्नुभएको थियो ।

आज विश्वासको मत लिने कार्यसूची भएपनि उहाँले विश्वासको मत नलिएर राजीनामा दिनुभएको हो । केन्द्रको नयाँ सत्ता समीकरण दलहरुमा भएको सहमति अनुसार कर्णाली प्रदेशको नेतृत्व एमालेले पाउने भएको छ ।