विद्यालयबाट घर फर्किने क्रममा बाढीले बगाउँदा दाजु बहिनीको मृत्यु

रुकुम पश्चिम, १८ भदौ । रुकुम पश्चिमको चौरजहारीमा बाढीले बगाउँदा दाजु बहिनीको मृत्यु भएको छ । आइतबार स्थानीय न्याउला खोलामा आएको बाढीले बगाउँदा उनीहरुको मृत्यु भएको हो ।

मृत्यु हुनेमा चौरजहारी नगरपालिका वडानम्बर-६, घर्तीकाँडाका ८ वर्षीय मनोज बुढाथोकी र ४ वर्षीया भावना बुढाथोकी रहेका छन् ।

आधारभूत विद्यालय घर्तीकाँडाबाट घर फर्किने क्रममा दाजु बहिनीलाई बाढीले बगाएर मृत्यु भएको प्रहरीले जनाएको छ ।