कोशी प्रदेश सरकारविरुद्ध एमालेले आज मुद्दा दायर गर्दै

विराटनगर, ६ भदौ । नेकपा एमालेले कोशी प्रदेश सरकारविरूद्व आज मुद्दा दायर गर्ने भएको छ ।

मुख्यमन्त्री उद्धव थापाले संविधानविपरीत प्रदेशसभाबाट विश्वासको मत लिएको भन्दै नेकपा एमालेले आज सर्वोच्च अदालतमा मुद्दा दायर गर्ने तयारी गरेको हो ।

मुख्यमन्त्री थापाको विश्वासको मतमा प्रदेशसभा बैठक अध्यक्ष मण्डलमा रहेका कांग्रेस सांसद इस्राइल मन्सुरीलेसमेत मतदान गरेपछि थापाको विश्वासको मत विवादमा तानिएको हो ।