कारागारमा हत्या प्रकरण: जेलर र असईविरुद्ध जाहेरी दर्ता

काठमाडौं, २७ साउन । जिल्ला कारागार सङ्खुवासभामा दुईजना कैदीको मृत्यु प्रकरणमा दुई जनाविरूद्व किटानी जाहेरी दर्ता भएको छ ।

कारागारका जेलर राजेन्द्र घिमिरे र प्रहरी सहायक निरीक्षक लक्ष्मी चौधरीविरुद्ध किटानी जाहेरी दर्ता भएको हो ।

गत बुधबार सङ्खुवासभाको मादी नगरपालिका– ५ का विनोद तोलाङगी र नुवाकोटको ककनी गाउँपालिका–७ का आकाश बलामीको कारागारमै मृत्यु भएको थियो।

सार्वजनिक सीसी फुटेजमा उनीहरूमाथि कुटपिट तथा लछारपछार भएको देखिएको छ ।