एमाले अध्यक्ष ओली स्वदेश फिर्ता

काठमाडौं, ९ साउन । नेकपा (एमाले)का अध्यक्ष तथा पूर्व प्रधानमन्त्री केपी शर्मा ओली स्वदेश फिर्ता भएका छन् ।

कम्बोडियाको निर्वाचन पर्यवेक्षणका लागि त्यहाँ पुगेका अध्यक्ष ओली सोमबार राति स्वदेश फर्किएका हुन् ।

ओलीलाई त्रिभुवन अन्तर्राष्ट्रिय विमानस्थलमा वरिष्ठ उपाध्यक्ष ईश्वर पोखरेल लगायतका नेताहरुले स्वागत गरेका थिए ।

कम्बोडियाको सातौँ राष्ट्रिय व्यवस्थापिकाको आम निर्वाचनको पर्यवेक्षण गर्न ओली यही साउन २ गते कम्बोडिया गएका थिए । उनको साथमा पत्नी राधिका शाक्य, एमाले उपमहासचिव विष्णु रिमाल, स्थायी कमिटी सदस्य एवम् विदेश विभाग प्रमुख राजन भट्टराई र ओलीका स्वकीय सचिव राजेश बज्राचार्यलगायत कम्बोडिया गएका थिए ।