एलओडीका म्यानेजर र रिसेप्सनिस्ट पक्राउ

काठमाडौं, १ साउन । ठमेलस्थित एलओडी क्लबका म्यानेजर र रिसेप्सनिस्ट पक्राउ परेका छन् ।

क्लबका म्यानेजर सहदेव सेढाई र रिसेप्सनिस्ट सपना ढुंगानालाई प्रहरीले पक्राउ गरेको हो । एलओडीबाट एक नाबालिकालाई ललितपुर पुर्‍याएर बलात्कार गरेको घटनामा उनीहरू पक्राउ परेका हुन् ।

नाबालिगलाई क्लबमा प्रवेश दिएको आरोपमा उनीहरू पक्राउ परेका हुन् । पक्राउ परेकी ढुंगानालाई जमानीमा रिहा गरिएको छ भने म्यानेजर सेढाई प्रहरी हिरासतमै छन्।

यसअघि प्रहरीले एलओडीका सञ्चालकहरू रूदिलबल्लभ श्रेष्ठ र राजु सिंह सुवाललाई पक्राउ गरेको थियो। तर सरकारी वकिल कार्यालयले छाड्न आदेश दिएपछि उनीहरू असार २८ गते छुटेका थिए।