थप ५५ जनामा कोरोना सङ्क्रमण पुष्टि, सात जनाको आईसीयुमा उपचार हुँदै

काठमाडौं, २६ चैत । नेपालमा पछिल्लो २४ घण्टामा थप ५५ जनामा कोरोना भाइरसको सङ्क्रमण पुष्टि भएको छ ।

पीसीआर र एन्टिजेन विधिबाट एक हजार २१६ जनाको स्वाब परीक्षण गर्दा ५५ जनामा सङ्क्रण पुष्टि भएको हो ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टाको अवधिमा ६७१ जनाको पीसीआर परीक्षण गर्दा ५० जना र ५४५ जनाको एन्टिजेन परीक्षण गर्दा ५ जनामा संक्रमण पुष्टि भएको हो । अघिल्लो दिन ६४ जनामा सङ्क्रमण पुष्टि भएको थियो ।

यस्तै, पछिल्लो २४ घण्टामा ११ जना संक्रमित निको भएका छन् भने कोही पनि संक्रमितको मृत्यु भएको छैन । हाल देशभर सक्रिय संक्रमितको संख्या ३९६ जना छ । सक्रिय सङ्क्रमितमध्ये १३ जना आइसोलेसन, ७ जना आईसीयू र ७ जना भेन्टिलेटरमा रहेको मन्त्रालयले जनाएको छ ।