३० कार्तिक २०८३, सोमबार

कर्णालीमा ड्युटीमा रहेका प्रहरी जवान कन्चटमा गोली लागेको अवस्थामा मृत भेटिए

434
Shares

फन्ट परिवर्तन गर्नुहोस:

  • change font
  • change font
  • change font

सांकेतिक तस्वीर

सुर्खेत, ११ फागुन । कर्णाली प्रदेश प्रहरी गणमा कार्यरत एक जना प्रहरी जवान गोली लागेर मृत अवस्थामा भेटिएका छन् ।

दार्चुलाको अपी नगरपालिका-६ घर भएका २५ वर्षीय कबिन्द्रराम विक कन्चटमा गोली लागेको अवस्थामा मृत भेटिएका हुन् ।

बिहीबार बिहान अन्दाजी ३ बजे ड्युटीमा रहेका उनी मृत भेटिएका हुन् ।

विक आफैले बोकेको एसएलआरको गोली कन्चटमा लागेको अवस्थामा मृत भेटिएको कर्णाली प्रदेश प्रहरी कार्यालयले जनाएको छ ।

विकले आफैँले गोली हानेर आत्महत्या गरेको हुनसक्ने प्रहरीले जनाएको छ ।

कर्णाली प्रदेश प्रहरी कार्यालयका प्रहरी वरिष्ठ उपरीक्षक प्रवक्ता माधवप्रसाद श्रेष्ठका अनुसार घटनाको अनुसन्धान भइरहेको छ ।