३० कार्तिक २०८३, सोमबार

अखिलमा नयाँ कार्यसमिति लागि मतदान सुरु हुँदै (तस्वीरहरु)

154
Shares

फन्ट परिवर्तन गर्नुहोस:

  • change font
  • change font
  • change font

काठमाडौं, ४ फागुन । नेकपा (एमाले) निकट विद्यार्थी संगठन अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु)को नयाँ कार्यसमिति चयनका लागि मतदान सुरु हुँदैछ ।

बिहान ९ बजेबाट सुरु हुने भनिए पनि प्राविधिक कारणले मतदान सुरु हुन सकेको छैन् ।

इलेक्ट्रोनिक भोटिङ मशिनमा प्राविधिक समस्या आएको कारण मतदान सुरु हुन ढिलाइ भएको बताइएको छ ।  केहि समयपछि मतदान सुरु हुने बुझिएको छ ।

मतदान अपरान्ह ५ बजेसम्म जारी रहने निर्वाचन कार्यतालिका रहेको छ । मतदानपछि आजै मतगणना हुने बताइएको छ ।

अखिलको अध्यक्षका लागि निर्वतमान वरिष्ठ उपाध्यक्ष आरसी लामिछाने, मोति विश्वकर्मा र महासचिव समिक बडाल उम्मेदवार रहेका छन् ।

निर्वाचनबाट आगामी दुई वर्षका लागि एक सय ९९ सदस्यीय केन्द्रीय कमिटी, १७ पदाधिकारी तथा अनुशासन, लेखा र निर्वाचन गरी तीन आयोग निर्वाचित हुनेछन् ।