
काठमाडौं, २ फागुन । यातायात मजदुरहरू र सरकारबीच भएको वार्तामा काठमाडौं उपत्यकामा आन्दोलन स्थगित गर्ने सहमति भएको छ ।

भौतिक पूर्वाधार तथा यातायात मन्त्री नारायणकाजी श्रेष्ठसँग आज सिंहदरबारमा भएको वार्तामा सार्वजनिक यातायात बन्दको कार्यक्रम फिर्ता लिने समझदारी भएको मन्त्री श्रेष्ठको सचिवालयले जनाएको छ ।

वार्तामा सोमबारको घटनामा संलग्नलाई कारबाही गर्ने र मजदुरका जायज माग समाधानका लागि सरकारले पहल गर्ने सहमति भएको मन्त्री श्रेष्ठको सचिवालयले जनाएको छ ।
तीनवटा मजदुर संगठनले आज सवारी साधान नचलाउने निर्णय गरे पछि उनीहरुलाई वार्तामा बोलाइएको थियो । मजदुर संगठनको हड्ताल पछि आज काठमाडौं उपत्यकामा सवारी साधान कमै मात्रा चलेका छन् ।












प्रतिक्रिया