मेयर बालेनले सहरी योजना आयोगको उपाध्यक्षमा खड्कालाई गरे नियुक्त

काठमाडौं, २७ पुस । काठमाडौं महानगरपालिकाका मेयर बालेन्द्र साह (बालेन) ले काठमाडौं महानगरपालिकाको सहरी योजना आयोगको उपाध्यक्षमा तपेन्द्रबहादुर खड्कालाई नियुक्त गरेका छन् ।

काठमाडौं महानगरपालिका सहरी योजना आयोग (गठन तथा सञ्चालन कार्यविधि) ऐन, २०७५ को व्यवस्था बमोजिम खड्कालाई उपाध्यक्ष पदमा नियुक्त गरिएको महानगरले जनाएको छ ।

खड्कालाई मंगलबार बालेनले गोपनियताको शपथ गराएका हुन् ।

पुस ११ गते बसेको महानगरपालिकाको ११ औँ कार्यपालिका बैठकले खड्कालाई आयोगको उपाध्यक्ष पदमा नियुक्त गर्ने निर्णय गरेको थियो ।