वेल्सका कप्तान ग्यारेथ बेलद्वारा फुटबलबाट सन्यास

काठमाडौं, २६ पुस । वेल्सका कप्तान ग्यारेथ बेलले फुटबलबाट सन्यास लिएका छन् ।

‘होशियार र सोचविचार पछि म क्लब र अन्तर्राष्ट्रिय फुटबलबाट तत्काल सन्यासको घोषणा गर्छु । सोमबार एक विज्ञप्ति जारी गर्दै ३३ वर्ष वर्षीय बेलले भनेका छन्, मलाई मनपर्ने खेल खेल्ने मेरो सपना साकार गर्न पाउँदा म अविश्वसनीय रूपमा भाग्यशाली महसुस गर्छु । यसले मलाई मेरो जीवनका केही उत्कृष्ट क्षणहरू दिएको छ ।’

बेलले पछिल्लो पटक वेल्सका लागि हालै सम्पन्न कतार विश्वकपमा खेलेका थिए । वेल्सका लागि १११ खेल खेलेका बेलले ४१ गोल गरेका छन् ।

बेलले साउथहम्पटन, टोटनह्याम, रियल म्याड्रिड जस्ता क्लबबाट क्लब फुटबल खेलेका थिए ।