काठमाडौं, २५ पुस । गण्डकी प्रदेशको मुख्यमन्त्रीमा खगराज अधिकारी नियुक्त भएका छन् ।
नेकपा एमाले संसदीय दलका नेतासमेत रहेका अधिकारीलाई प्रदेश प्रमुख पृथ्वीमान गुरुङले संविधानको धारा १६८ को उपधारा २ बमोजिम मुख्यमन्त्री नियुक्त गरेका हुन् ।
अधिकारीले एमालेका २२, माओवादीका ८, राप्रपाका २ र स्वतन्त्र सांसद दीपक मनाङ्गे गरी ३३ जनासांसदको समर्थनमा मुख्यमन्त्री दाबी गरेका थिए ।
एमाले स्थायी कमिटी सदस्य तथा संगठन विभाग प्रमुखसमेत रहेका अधिकारी कास्की १ को प्रदेश सभा १ बाट निर्वाचित भएका थिए ।
प्रतिक्रिया