काठमाडौं, २३ पुस । उपप्रधानमन्त्री एवम् गृहमन्त्री बनेका रवि लामिछानेले मन्त्री बनेदेखि नै केही नयाँ सुधारको प्रयास गरिरहेका छन् ।
उनले आफैँबाट सुधारका काम गरिरहेका छन् । लामिछानेले मन्त्री नियुक्त भएर सरकारी निवासमा सर्ने बेलामा सेनाको सलामीका क्रममा पिर्का हटाएर समान धरातलमा सलामी लिएका थिए ।
साथै, उनले गृहमन्त्रालयकै चमेनागृहमा खाजा खाने, आम सर्वसाधारण झैँ ट्राफिक नियम पालना गर्ने गरिरहेका छन् ।
यसैबीच, शनिबार सशस्त्र प्रहरी बल (एपिएफ) को प्रधान कार्यालयमा आयोजित कार्यक्रममा पनि साधारण व्यवहार प्रस्तुत गरे । मञ्चमा सशस्त्र प्रहरी महानिरीक्षक राजु अर्याल लगायत उच्च अधिकृतहरू बसिरहेका थिए।
गृहमन्त्री पुगेसँगै त्यहाँ उपस्थित उच्चपदस्तहरू सम्मानमा बसिरहेको ठाउँबाट उठे। मञ्चमा रविका लागि छुट्टै सोफाको व्यवस्था गरिएको थियो । तर उनी उक्त सोफामा बसेनन् ।
आफ्नो लागि छुट्टै सोफा देखेपछि लामिछानेले उक्त सोफा हटाउन लगाएर सशस्त्र प्रहरीका अधिकारीहरु बसेकै सोफामा बसे ।
प्रतिक्रिया