गृहमन्त्री लामिछानेको नागरिकता विवादबारे अन्तरिम आदेश दिन सर्वोच्चद्वारा अस्वीकार

काठमाडौं, २२ पुस । उपप्रधान तथा गृहमन्त्री एवम् राष्ट्रिय स्वतन्त्र पार्टीका सभापति रवि लामिछानेको नागरिकता विवादबारे अन्तरिम आदेश दिन सर्वोच्च अदालतले अस्वीकार गरेको छ ।

कायममुकायम प्रधानन्यायाधीश हरिकृष्ण कार्कीसहित न्यायाधीशहरु ईश्वरप्रसाद खतिवडा, डा. आनन्दमोहन भट्टराई, अनिलकुमार सिन्हा र प्रकाशमानसिंह राउतको संवैधानिक इजलासले लामिछानेको नागरिकताको विषयमा परेको रिट निवेदनमा अन्तरिम आदेश दिन अस्वीकार गरेको हो ।

योसँगै लामिछानेको सांसद तथा मन्त्री पद यथावत रहने भएको छ ।