काठमाडौं, २२ पुस । अन्तर्राष्ट्रिय क्रिकेट परिषद् (आईसीसी) ले पनि काठमाडौंमा जारी नेपाल टी-ट्वेन्टी लिगमा फिक्सिङ भएको आशंका गरेको छ ।
बिहीबार अचानका काठमाडौं आएको आईसीसीको टोलीले पनि फिक्सिङको आशंका गरेको हो । टोली आज फर्किएको छ ।
खेलमा फिक्सिङसँगै खेलाडीहरुले पारिश्रमिकसमेत नपाएको समाचार बाहिरिएपछि छानबिनका लागि आईसीसीको दुई सदस्यीय टोली नेपाल आएको थियो ।
आईसीसी इन्ट्रिग्रेटी युनिटका एन्ड्रयु इफग्रेभको नेतृत्वमा आएको टोलीले त्रिवि क्रिकेट मैदान कीर्तिपुरमा भइरहेको नेपाल टी–२० लिगको बिहीबारको खेल अवलोकन गर्दै त्यहाँको वस्तुस्थितिबारेमा बुझेको थियो ।
यस्तै टोलीले बिहीबार नै राष्ट्रिय खेलकुद परिषद्का सदस्य सचिव टंकलाल घिसिङलाई भेटेका थिए। टोलीले क्रिकेट प्रतियोगिताबारे छानबिन गरिरहेको नेपाल प्रहरीको केन्द्रीय अनुसन्धान ब्युरो (सीआईबी) सँग पनि भेटघाट गरेको बताइएको छ ।
स्रोतकाअनुसार आइसीसीको टोलीले पनि फिक्सिङको आशंका गर्दै छानबिनलाई निरन्तरता दिने बताएको छ ।
प्रतिक्रिया